कपिलवस्तुको कोइली खोलामा हराएका दिलकुमारको शव भेटियो

मायादेवी अनलाइन, बाणगंगा ।
मंगलबार कपिलवस्तुको कोइली खोलाले बगाउँदा वेपत्ता भएका ३६ बर्षीय दिलकुमार सुनारको शव बुधबार विहान भेटिएको छ ।

मंगलबार विहान खोला तर्नेक्रममा दिलकुमारसहित उनकी श्रीमती राममाया सुनारलाई कोइली खोलाले बगाएको थियो ।

खोलाले बगाएका मध्ये राममायाको शव मंगलबारै भेटिएपनि श्रीमान दिलकुमारको शव भेटिएको थिएन् ।

बुधबार विहानै देखि उनलाई खोज्दै जाँदा कपिलधाम र भलवाड छेउमा रहेको कजवे क्षेत्रमा शव भेटिएको इलाका प्रहरी कार्यालय पिपराले जनाएको छ ।

बाबुआमासंगै खोला तरेका १२ बर्षीय छोरा निरज सुनार भने बाँच्न सफल भएका थिए ।

यो पनि पढ्नुहोस् …

कपिलवस्तुको कोइली नदीले दुई जनालाई बगायो

कोइली नदीमा हराएका दुई मध्ये एक जनाको शव भेटियो