रविको मुद्दामा रुपन्देही अदालतले सर्वोच्चको आदेश पर्खने, आरोपपत्र संसोधन यथास्थितिमा

काठमाडौँ : रुपन्देही जिल्ला अदालतले रविको मुद्दामा सर्वोच्च अदालतको आदेश पर्खने भएको छ। 

अदालतले उनको मुद्दा संसोधनको स्वीकृतिविरुद्ध सर्वोच्च अदालतमा रहेको विचाराधीन रिटको टुंगो लागेपछि मात्रै सुनुवाइ हुने आदेश गरेको छ। 

जिल्ला सरकारी वकिल कार्यालय रुपन्देहीले दिएको निवेदनमाथि सुनुवाइ गर्दै रुपन्देही जिल्ला अदालतका न्यायाधीश श्यामलाल घिमिरेको एकल इजलासले सर्वोच्चमा परेको रिटको अन्तिम किनारा नलागेसम्म निवेदन यथास्थितिमा राख्न आदेश दिएको हो।

महान्यायाधिवक्ता कार्यालयले रविको सम्पत्ति सुद्धिकरण र संगठित अपराधसम्बन्धी मुद्दा फिर्ताका लागि सरकारी वकिललाई स्वीकृति दिएको थियो। त्यसविरुद्ध सर्वोच्च अदालतमा रिट परेको छ।

सोही रिटका कारण सरकारी वकिलहरूले पेस गरेको निवेदनमाथि सुनुवाइ रोकिएको हो।