काठमाण्डौँ ।
कर्णाली प्रदेशका मुख्यमन्त्रीसमेत रहेका संसदीय दलका नेता महेन्द्रबहादुर शाहीविरूद्ध अविश्वासको प्रस्ताव दर्ता भएपछि काठमाडौं बोलाइएका कर्णालीका नेताहरूसँग नेकपाका दुई अध्यक्षले छुट्टाछुट्टै छलफल गर्ने भएका छन्।
नेकपा अध्यक्ष पुष्पकमल दाहाल प्रचण्ड बिहीबार दिउँसो मुख्यमन्त्री शाहीलगायत नेताहरूसँग खुमलटारमा छलफल गरेका छन्। प्रचण्डसँगको भेटघाटमा शाहीविरूद्ध अविश्वासको प्रस्ताव दर्ता गर्ने नेतृत्व गरेका सांसद यामलाल कँडेल भने सहभागी थिएनन्।
उक्त छलफलमा नेकपा बरिष्ठ नेता माधवकुमार नेपाल पनि सहभागी थिए। सुर्खेतबाट बोलाइएका सबै नेताहरू काठमाडौं आइसकेका छन्। प्रदेश सभा सांसद चन्द्रबहादुर शाहीले अहिलेसम्म प्रधानमन्त्रीले बालुवाटार नबोलाएको बताए।
प्रतिक्रिया