रुपन्देहीका पत्रकार विन्दु चौहानको निधन


बुटवल ।
रुपन्देहीका पत्रकार बिन्दुकुमार चौहानको गएराती मृत्यु भएको छ । जिल्लाको लुम्बिनी सांस्कृतिक नगरपालिकामा रहेर दुई दशक देखि पत्रकारिता गर्दै आएका ४५ वर्षीय चौहानको भैरहवाको युनिभर्सल कलेज अफ मेडिकल साइन्सेजमा उपचारका क्रममा मृत्यु भएको नेपाल पत्रकार महासंघ लुम्बिनी प्रदेश समितिका अध्यक्ष वसन्त गिरिले जानकारी दिए । चौहान प्रेस संगठन नेपालका केन्द्रीय सदस्य तथा पत्रकार महासंघ लुम्बिनी प्रदेशका सदस्य थिए ।

तीन दिनअघि निमोनिया देखिएपछि चौहानलाई लुम्बिनी प्रादेशिक अस्पताल बुटवलमा भर्ना गरिएको थियो । त्यस अस्पतालमा उनको स्वास्थ्य अवस्था थप गम्भीर भए पछि भैरहवा मेडिकल कलेजमा लगिएको अवस्थामा गएराती मृत्यु भएको पत्रकार महासंघ रुपन्देहीका अध्यक्ष रामराजा पोख्रेल जानकारी दिँदै दुख व्यक्त गरे । लुम्बिनी सांस्कृतिक नगरपालिका–११ काठी नदी घर भएका चौहानका श्रीमती, चार छोरा र तीन छोरी रहेका छन् ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस