झाडापखालाबाट कपिलवस्तुमा थप एक जनाको ज्यान गयो


मायादेवी अनलाइन, तौलिहवा ।
कपिलवस्तुको सिमावर्ती यशोधरा गाउँपालिका–८ स्थित खोरिया गाउँमा फैलिएको झाडापखालको प्रकोपबाट एक जनाको मृत्यु भएको छ। बैदौली आधारभुत अस्पतालमा उपचारत ५६ वर्षीय शंकर गडरियाको झाडापखालाबाट मृत्यु भएको हो।

गाउँपालिकाका स्वास्थ्य संयोजक बिरेन्द्रकुमार मिश्राका अनुसार खोरिया स्थित आफ्नो घरमा झाडापखालाबाट ग्रसित भएपछि छिमेकीहरुले गडरियालाई अस्पतालमा उपचार गराउन ल्याएका थिए। उनको अवस्था नाजुक भएपछि रिफर गरिएको थियो। थप उपचारका लागि अन्य अस्पतालमा लैजाने उनको आफन्त कोही नभएपछि गडरियाको अस्पताल मै मृत्यु भएको संयोजक मिश्राले बताए।

गत असोज २० गतेदेखि नै खोरिया गाउँमा झाडापखालको प्रकोप फैलिएको उप स्वास्थ्य चौकी शिहोखोरका प्रमुख केशव घिमिरेले बताए। बुधबार साँझसम्म खोरिया र बैदौली गरी १ सय ४४ जना ग्रसित भएका छन्। त्यसमध्ये १४ जना अस्पतालमा उपचारत छन्। यस्तै, ३४ जना घर मै उपचारत छन् भने ९५ जना निको भई घर फर्किसकेका छन्।

संयोजक मिश्राले दूषित पानी खाएर झाडापखाला फैलिएको हुन सक्ने बताए। बिरामीहरुको उपचारसहित खोरिया गाउँमा सचेतनामुलक माईकिङ समेत गरिएको उनले बताए। उता दुई साताअघि कृष्णनगरमा फैलिएको झाडापखालाबाट ३ जनाको मृत्यु भएको थियो भने ७ सय २७ जना बिरामी परेका छन्।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस