स्वास्थ्य बीमाको आधा रकम गाउँपालिकाले बेहोर्ने

गुल्मी ।

गुल्मीको चन्द्रकोट गाउँपालिकाका नवनिर्वाचित अध्यक्ष युवराज खत्री क्षेत्रीले विपन्न परिवारको स्वास्थ्य बीमा रकमको ५० प्रतिशत रकम गाउँपालिकाले अनुदान दिने निर्णय गरेका छन् । शुक्रवार कार्यभार ग्रहण गर्दै अध्यक्ष खत्रीले पहिलो निर्णयका रुपमा यस्तो घोषणा गरेका हुन् ।

उनले स्वास्थ्य बीमा कार्यक्रम विशेषतः गरिब बिपन्न परिवारका लागि ठूलो राहत कार्यक्रम हुँदाहुँदै पनि आर्थिक अभावका कारण स्वास्थ्य बीमा गराउन नसकी निःशुल्क उपचार गराउन बन्चित भएको भन्दै बिपन्न बर्गको पहुँचमा पुराउन यस्तो निर्णय गरिएको बताए ।

त्यस्तै उनले पालिका भित्रका स्वास्थ्य संस्थामा प्रसुती हुन नसकी अन्यत्र लैजानु पर्ने गर्भवती महिलाका लागि तत्काल पालिकाले निःशुल्क उपलब्ध एम्बुलेन्स उपलब्ध गराउने दोश्रो निर्णय समेत गरेका छन् ।

उनले आफ्नो नेतृत्वमा रहेको स्थानिय सरकारले हर निर्णय र गतिविधि जनतालाई केन्द्रमा राखेर गरिने पनि प्रतिबद्धता जनाएको छ ।