कपिलवस्तुको कोइली नदीले दुई जनालाई बगायो

मायादेवी अनलाइन, बाणगंगा ।
अविरल बर्षासंगै आएको बाढीले कपिलवस्तुमा दुई जनालाई बगाएको छ ।

जिल्लाको बाणगंगा नगरपालिकाको कोइली नदीले एक दम्पत्तीलाई मंगलबार बगाएको हो ।

बाणगंगा– ७ निवासी उनीहरु दिल बहादुर सुनार र राममाया सुनार रहेको इलाका प्रहरी कार्यालय पिपराले जनाएको छ ।

नदी तर्ने क्रममा उनीहरुलाई नदीको बहावले बगाएको जनाइएको छ ।

उनीहरुसंगै नदी तर्न लागेका छोरालाई भने स्थानीयले उद्धार गर्न सफल भएका छन् ।

नदीमा बगेका दुबै जनाको खोजीकार्य जारी रहेको इलाका प्रहरी कार्यालय पिपराले जनाएको छ ।

बाणगंगा नगरपालिकाको वडा नं. ९ पुग्ने कोइली नदी हरेक बर्ष मानिसको तगारो बन्दै आएको छ । नदीमा पूल नहुँदा काइलीले सधैं धनजनको क्षति गर्दै आएको छ । दुई बर्ष पहिला यहीँ नदीले बगाउँदा तीन जनाको ज्यान गएको थियो भने तीन जना हाम फालेर बाँच्न सफल भएका थिए ।

यो पनि पढ्नुहोस्…

०३९ सालदेखि भलवाडबासीले कोइली खोलामा पुल मागे तर, सुनिदिने कोही भएनन् !