चिसो अझै बढ्ने

काठमाडौं ।
शुक्रबार देशभर बदली रही देशका उच्च हिमाली भेगमा उच्च हिमपात भइरह्यो । जुम्ला, मनाङ, मुस्ताङ, दार्चुला, डडेल्धुरा लगायतका उच्च हिमाली भेगमा शुक्रबार भारी हिमपात भएको छ ।
भारी हिमपातसँगै बढेको चिसोका कारण फिरन्ते जीवन बिताउँदै आएका राउटे बालकको मृत्यु समेत भएको छ । शनिबार पनि बिहानैदेखि देशका विभिन्न क्षेत्रमा वर्षाा भइरहेको छ । मौसम पूर्वाअनुमान महाशाखाका अनुसार शनिबार दिनभर वर्षा कायमै रहने जनाइएको छ ।
मौसम पूर्वानुमान महाशाखाले शनिबार मौसममा थोरै सुधार आए पनि देशका विभिन्न स्थानमा बदली हुने, वर्षा हुने र हिमपात हुने अवस्था कायमै रहने जनाएको छ ।
मौसमविद् सजिना शाक्यले भने, ‘न्यूनतम तापक्रममा भने खासै गिरावट आएको छैन, बदली भएकाले धरातलको तातो माथि जान सकेको छैन, त्यसैले न्यूनतम तापक्रम शुक्रबार त्यति घट्दैन ।’