काठमाडौं ।
नेपाली कांग्रेसका सभापति शेरबहादुर देउवाले दुईजना केन्द्रीय सदस्य र छ जना आमन्त्रित केन्द्रीय सदस्य मनोनीत गरेका छन् । विधानको धारण ४९१०० बमोजिम मनोनयन गरेको कांग्रेसले जनाएको छ ।
थप भएका केन्द्रीय सदस्यमा जंगीलाल राय (सर्लाही) र डोल्पाका कर्णबहादुर बुढा रहेका छन् ।
त्यस्तै आमन्त्रिक केन्द्रीय सदस्यमा कैलालीका मोहनसिंह राठौर, सर्लाहीकै शम्भुलाल श्रेष्ठ, कपिलवस्तुको अभिषेखप्रताप शाह, लम्जुङका दयाराम पाण्डे, डडेल्धुराका जनकराज कनौली र स्याङ्जाका भूमिबहादुर गुरुङ रहेका छन् ।
अन्य राजनीतिक दलको सांगठनिक संरचना समायोजनका लागि पार्टीद्वारा गठीत समायोजन समितिको बैठकको निर्णयबाट यस सम्बन्धमा सिफारिस गरिएको कांग्रेसले जनाएको छ ।
त्यसैगरी कांग्रेसका अगुवा राजनीतिककर्मीहरुलाई पार्टीको जेष्ठ राजनीतिज्ञ सभाको सदस्यमा मनोनयन गरेको कांग्रेसले जनाएको छ ।
प्रतिक्रिया