बालेन साहलाई १७ हजार बढी मतको अग्रता

काठमाण्डौ ।

काठमाण्डौ महानगरपालिकाको मेयर पदका स्वतन्त्र उम्मेदवार बालेन साहले अहिलेसम्म ४० हजार ६ सय पाँच मत प्राप्त गर्नुभएको छ । साहले १७ हजार दुई सय ७१ मतको अग्रता बनाउनुभएको छ ।

पछिल्लो मत परिणामअनुसार काठमाण्डौ महानगरमा एक लाख १४ हजार आठ सय पाँच मत गन्दा साहले ४० हजार ६ सय पाँच मत पाउनुभएको हो ।

यस्तै नेपाली कांग्रेसकी सिर्जना सिंहले २३ हजार तीन सय ३४ मत प्राप्त गर्नुभएको छ । नेकपा एमालेका केशव स्थापितले २२ हजार पाँच सय ३६ मत पाउनुभएको छ । कांग्रेसकी सिंह एमालेका स्थापितभन्दा सात सय ९८ मतले अगाडि हुनुहुन्छ ।