प्रधानमन्त्री देउवा मेलम्ची खानेपानी आयोजनाको निरीक्षणमा

काठमाडौं, २५ साउन ।
प्रधानमन्त्री शेरबहादुर देउवाले बुधबार मेलम्ची खानेपानी आयोजनाको स्थलगत निरीक्षण गर्ने भएका छन् । प्रधानमन्त्री देउवासहितको टोली केहीबेरमा हेलिकोप्टरबाट मेलम्ची जाने कार्यक्रम छ । ‘प्रधानमन्त्रीले चासो दिएर जान लाग्नु भएको हो’ खानेपानीमन्त्री महेन्द्र यादवले भने, ‘उहाँले इन्टेक ड्याम र टनेलको अवलोकन गर्नु हुनेछ ।’

मेलम्ची खानेपानी आयोजनाको पानी दशैंमा काठमाडौं ल्याउने लक्ष्य राखिएको थियो । तर, अब यो सम्भावना टरेको छ र अधिकारीहरुले आगामी पुससम्म मेलम्चीको पानी काठमाडौंमा ल्याउने प्रयास हुने बताएका छन् ।