९ आश्विन २०७९, आइतबार | Sun Sep 25 2022

प्रतिनिधिसभा र प्रदेशसभा चुनावमा समानुपातिक प्रणालीमा भाग लिने दलले तीन दिनभित्र निवेदन दिनुपर्ने



काठमाडौं, भदौ २४ ।
निर्वाचन आयोगले प्रतिनिधिसभा र प्रदेशसभा सदस्य चुनावमा समानुपातिक प्रणालीमा भाग लिन चाहने राजनीतिक दललाई निवेदन पेस गर्न तीन दिनको समय दिएको छ ।

आयोगले सूचना निकालेर मंसिर १० र २१ गते हुने प्रतिनिधि सभा र प्रदेशसभा चुनावको लागि समानुपातिक प्रणालीतर्फ भाग लिने चाहाने दललाई आइतबारदेखि आउँदो मंगलबारसम्ममा निवेदन दिन आग्रह गरेको हो ।

तीन दिनभित्र निवेदन नदिने राजनीतिक दलले प्रतिनिधिसभा र प्रदेशसभा चुनावमा समानुपातिक तर्फको चुनावमा भाग लिन नपाउने पनि आयोगले स्पष्ट पारेको छ । निवेदन पेस गर्दा प्रतिनिधिसभा सदस्यको लागि मात्र भाग लिने वा प्रदेशसभा सदस्यको चुनावमा भाग लिने वा प्रतिनिधिसभा सदस्य चुनाव र प्रदेशसभा दुवैमा भाग दिने भन्ने स्पष्ट खुलाउनुपर्ने आयोगले जनाएको छ ।

यस्तै प्रदेशसभा सदस्य चुनावतर्फ सबै प्रदेशमा भाग लिने वा कुन कुन प्रदेशमा भाग लिने भन्ने स्पष्ट खुलाइ सम्बन्धीत दलको प्रमुख पदाधिकारीको हस्ताक्षरसहित आयोगमा बुझाउन भनिएको छ ।

 

प्रकाशित मिति : २४ भाद्र २०७४ शनिबार ००:००  ७ : २८ बजे