२१ आश्विन २०७९, शुक्रबार | Fri Oct 7 2022

भवन भट्ट एनआरएनको अध्यक्षमा विजयी



काठमाडौं, ३१ असोज ।
गैरआवासीय नेपाली संघ (एनआरएनए) को अध्यक्षमा भवन भट्ट विजयी हुनुभएको छ । काठमाडौंमा भएको संघको आठौं विश्वसम्मेलनबाट अध्यक्षकी प्रत्यासी जमुना गुरुङलाई पराजित गर्दै भट्ट विजयी हुनुभएको हो ।
सोमबार राति सम्पन्न मतगणनामा भट्टले एक हजार एक सय ९७ मत प्राप्त गर्नुभयो भने गुरुङले ५ सय ८४ मत प्राप्त गर्नुभयो । सम्मेलनमा एक हजार ७ सय ८८ एनआरएन मतदानमा सहभागी भएका थिए ।
यस्तै उपाध्यक्षमा कुमार पन्त र कुल आचार्य विजयी हुँदा महिला उपाध्यक्षमा सपिला राजभण्डारी निर्वा्चित हुनुभएको छ । महासचिवमा डा. बद्री केसी, सचिवमा डिबी क्षेत्री र कोषाध्यक्षमा हिक्मत थापा विजयी भएका छन् ।
गोरखामा जन्मिएका नवनिर्वा्चित अध्यक्ष भट्ट जापानमा व्यवसायमा संलग्न हुनुहुन्छ । उहाँले जापानमा दुई सय ९० वटा रेस्टुरेन्ट चलाउँदै आउनुभएको छ ।
एन आर एन का नव निर्वा्चित भट्ट को हुन ?

गोरखाका भवन भट्ट अध्ययनका लागि २० वर्षअघि जापान पुग्नुभएका अहिले जापानमा सफल व्यवसायीका रुपमा स्थापित हुनुभएको छ । मेहनत र संघर्षको फल मीठो हुन्छ भन्ने प्रतिनिधि पात्रका रुपमा उहाँको पहिचान बनेको छ । जापान गएपछि सुरुआती चरणमा रेस्टुराँमा भाँडा माझ्ने काम गर्नुभएका भट्टको अहिले जापानमा मात्रै २९० होटल तथा रेस्टुराँ सञ्चालनमा छ । उहाँका रेस्टुराँमा अहिले पाँच हजार जापानी र २५० नेपालीले रोजगारी पाएका छन् । सन् १९९७ मा २१ वर्षको उमेरमा टोखाइ विश्वविद्यालयमा अध्ययनका लागि उहाँ जापान जानुभएको थियो । जापान गइसकेपछि पढाई खर्च र दैनिक गुजारा चलाउन क्याम्पस समयबाहेक अरु समयमा उहाँ रोजगारमा संलग्न हुन थाल्नुभयो । महँगो ठाउँ भएकाले गुजारा चलाउन सुरुआती दिनमा रेस्टुराँमा भाँडा माझ्ने काम शुरु गर्नुभयो ।

ती दिन सम्झना गर्दै भट्टले भन्नुभयो, “घरमा काम नगरी हुर्केको म सुरुआती दिनमा जापानमा रेस्टुराँमा भाँडा माझ्नुपर्दा धेरै अप्ठ्यारो लाग्यो, यति पढेको मान्छेले के भाँडा माझ्ने भन्ने सोचेर चित्त पनि दुख्यो ।” तर यस्तो सोचिरहेसम्म अगाडि बढ्न सकिँदैन, श्रमलाई सम्मान गर्नुपर्छ भन्ने निष्कर्ष सहित भाँडा माझ्ने कामलाई पनि अवसरका रुपमा लिनुपर्छ भन्ने उहाँले योजना बनाउनुभयो । उहाँले भन्नुभयो, “भाँडा माझ्ने काममा पनि केही नयाँ गर्नुपर्छ भन्ने लाग्यो, मैले माझेको भाँडा अरुले माझेक भन्दा सफा हुनुपर्छ भन्ने ठानेर अझ धेरै मेहनत गरेर भाँडा माक्षmेँ ।” उहाँको सो कामबाट प्रभावित भएपछि साहुले उहाँलाई दिँदै आएको घण्टाको ७०० जापानी ऐनमा ५० बढाएर ७५० पु¥याइदियो । काम प्रतिको लगाव देखेर साहुले उहाँलाई भाँडा माझ्ने कामबाट केही समयपछि वेटरको काममा बढुवा गरिदियो । यसरी ६ वर्षसम्म फरक÷फरक रेस्टुराँ र होटलमा काम गर्दा गर्दै अनुभवका आधारमा होटल प्रबन्धकको पदसम्ममा पुग्न सफल हुनुभयो । एउटै ठाउँमा काम गर्दा आलश्यता र निराशा बढ्ने ठहर सहित यो बीचमा उहाँले दर्जनौँ होटल तथा रेस्टुराँमा काम गर्नुभयो ।

विशेषगरी खानपान र पेय पदार्थको व्यवसायबारे रुचिका साथै ज्ञान हासिल हुँदै गयो । सोही ज्ञानलाई अवसरमा बदल्ने तथा कामदार र कर्मचारीबाट मालिकमा उक्लिने योजना उहाँले बनाउनुभयो । जापान गएको छ वर्षपछि टोकियोको बिएमसी सिन्जुको भन्ने ठाउँमा सन् २००३ मा उहाँले एउटा घाटामा गएको रेस्टुराँ किन्नुभयो । सुरुआती दिनमा नचले पनि बिस्तारै विभिन्न छुट र कार्यक्रम ल्याएपछि केही समयपछि रेस्टुराँ चल्न थाल्यो । सो रेस्टुराँबाट आएको फाइदाको रकमबाट त्यसको केही समयपछि नजिकै अर्को रेस्टुराँ किन्नुभयो । यसरी फाइदा बढ्दै गएपछि लगानी थप्दै गर्दा व्यवसायमा हात हालेको १४ वर्षमा उहाँले जापानमा २९० वटा होटल तथा रेस्टुराँ सञ्चालन गर्नुभएको छ । ती होटल तथा रेस्टुराँबाट वार्षिक रु ३२ अर्बको हाराहारीमा कारोबार हुने गरेको भट्टले जानकारी दिनुभयो ।

यस्तै उहाँले नेपालमा पनि टिबिआइ समूहको अध्यक्षका रुपमा सञ्चार, शिक्षा, पर्यटन, पूर्वाधार लगायतका क्षेत्रमा करिब रु दुई अर्ब लगानी गरिसकेको छ । ‘कारोबार’ दैनिक, युनाइटेड ब्रुअरी, बिबी एअरवेज, धुलिखेल माउण्ट रिसोर्ट, कलेज, काठमाडौँ–हेटौँडा सुरुङमार्ग लगायत २३ वटा नेपाली संस्थामा उहाँको लगानी छ । ‘एक पटकको नेपाली सधैँको नेपाली’ भन्ने नारालाई आत्मसात् गर्न रुचाउने भट्टको देशप्रतिको प्रेमकै कारण आफ्नो लगानी आगामी दिनमा नेपालमै बढाउने योजना रहेको बताउनुहन्छ । विसं २०७२ मा भूकम्प गएको दुई घण्टापछि नै रु एक करोड पीडितलाई सहयोग गर्ने घोषणा गर्नुभएका भट्टकै अग्रसरतामा भूकम्प पीडितका लागि राहत तथा उद्धारमा गैरआवासीय नेपाली संघ एनआरएन० को ठूलो सहयोग नेपाल भित्रिएको थियो ।

नेपालमा संविधान जारी भएपछि भारतले लगाएको नाकाबन्दीको विरोधमा जापानस्थित भारतीय दूतावासमा उहाँकै नेतृत्वमा ज्ञापनपत्र बुझाएपछि अन्य देशमा समेत एनआरएनहरुले त्यहाँ स्थित भारतीय दूतावासमा ज्ञापनपत्र र धर्ना दिएपछि नाकाबन्दीको विषय अन्तर्रा्ष्ट्रियकरण हुन सहयोग पुगेको थियो । पछिल्लो समयमा ‘अतिथि देव भव’ अन्तर्गत नमस्ते अभियान मार्फत नेपालमा पर्यटक भित्र्याउने तथा पर्यटकलाई नेपाल भ्रमणका लागि आकर्षित गर्नका लागि एकैपटक नेपालको प्रमुख शहर काठमाडाँै, चितवन, पोखरा, लुम्बिनी गरी चारै शहरमा उहाँले अभियान सञ्चालन गर्नुभएको थियो ।

एनआरएनको अध्यक्षमा उम्मेदवारी गैरआवासीय नेपाली संघ ९एनआरएन० को अन्तर्रा्ष्ट्रिय परिषद्को वर्तमान उपाध्यक्ष रहनुभएका भट्टले यही असोज २८ गतेदेखि ३१ गतेसम्म काठमाडौँमा हुने एनआरएनको आठौँ विश्व सम्मेलनमा अध्यक्ष पदमा उम्मेदवारी घोषणा गर्नुभएको थियो । सन् २००३ मा सम्पन्न भएको एनआरएनको पहिलो विश्व सम्मेलनदेखि नै यो संस्थामा सक्रिय भट्ट २००३–०४ मा जापान एनआरएनको तदर्थ समितिका सदस्यका रुपमा काम गर्नु भएका भट्ट । एनआरएन जापानको अध्यक्ष, एनआरएनको अन्तर्रा्ष्ट्रिय परिषद्को कोषाध्यक्ष र अहिले उपाध्यक्षको रुपमा काम गर्दै आउनु भएको थियो ।

प्रकाशित मिति : ३१ आश्विन २०७४ मंगलबार ००:००  १ : ४६ बजे