बुटवल ।
रुपन्देहीमा थप २० जनामा कोरोनाभाइरस संक्रमण पुष्टि भएको छ । जिल्ला स्वास्थ्य कार्यालय रुपन्देहीका अनुसार सोमबार लुम्बिनी साँस्कृतिक नगरपालिकाका १८ र मायादेवी गाउँपालिकाका २ गरी २० जनामा कोरोना भाइरसको संक्रमण पुष्टि भएको हो ।
कार्यालयका अनुसार लुम्बिनी सांस्कृतिक नगरपालिकाका १७ देखि ४५ बर्ष उमेर समूहका १७ जना पुरुष र ३४ वर्षीया १ महिला गरी १८ जना संक्रमित थपिएका हुन् ।
त्यसैगरी मायादेवी गाउँपालिकाका १२ वर्षका एकजना बालक र ३५ वर्षका पुरुषमा संक्रमण पुष्टि भएको हो ।
यसअघि सोमबार तिलोत्तमा नगरपालिकामा तीन जनामा संक्रमण पुष्टि भएको जिल्ला स्वास्थ्य कार्यालयले जनाएको छ। यो संगै रूपन्देहीमा संक्रमितको संख्या १ सय ३९ पुगेको छ ।
प्रतिक्रिया