हृदयेश त्रिपाठी भन्छन्ः अब आफ्नै दल दर्ता गरेर निर्वाचन लड्छौँ


परासी ।
स्वास्थ्यमन्त्री हृदयेश त्रिपाठीले आगामी चुनावमा आफ्नै दल गठन गरेर उम्मेदवारी दिने घोषणा गर्नुभएको छ ।

गृह जिल्ला पश्चिम नवलपरासीको प्रतापपुरस्थित कठहवा गाउँको निवासमा पत्रकारहरुसँग सोमबार कुरा गर्दै मन्त्री त्रिपाठीले फागुनभित्र दल गठन भइसक्ने बताउनुभयो । मन्त्री त्रिपाठी स्वतन्त्र राजनीतिक समूहको नाउँबाट तत्कालीन एमालेको सूर्य चुनाव चिन्ह लिएर पश्चिम नवलपरासी निर्वाचन क्षेत्र नं. १ बाट प्रतिनिधिसभा सदस्यमा निर्वाचित हुनुभएको हो ।

नयाँ पार्टीको नाम स्वतन्त्र राजनीतिक समूहलाई नै रुपान्तरण गरेर गठन गर्ने उहाँको भनाइ छ । आफ्नो पार्टीमा विघटित प्रतिनिधिसभाका केही सांसद् र तत्कालीन तमलोपाका अधिकांश नेताहरु आउने तरखरमा रहेको उहाँले दाबी गर्नुभयो ।

तमलोपा ब्युँताउन लागेको भन्ने टिप्पणीबारे उहाँले दुष्प्रचार मात्र भएको प्रतिक्रिया दिनुभयो । नयाँ दलको गठन गर्नुपर्ने आवस्यकता बारे उहाँले वर्गीय आधारलाई अन्य दलले समेट्न नसकेकाले त्यसैको प्रतिनिधित्वलाई समेट्ने बताउनुभयो ।

बैशाखमा चुनाव हुने नहुने भन्नेबारे सर्वोच्चको फैसला र निर्वाचन आयोगमा नेकपाको आधिकारिकता निष्कर्षपछि टुंगो लाग्ने पनि मन्त्री त्रिपाठीको भनाइ थियो ।

चुनावअघि दल दर्ता नभए फेरि सूर्य चिन्ह वा नेकपाको कुनै समूहको चिन्ह लिएर चुनाव लड्नु हुन्छ भन्ने पत्रकारको जवाफमा मन्त्री त्रिपाठीले भन्नुभयो‘सूर्य त आफैँ फ्रिज हुन्छ कि कता जान्छ भन्नेमा नेकपाकै नेताहरुले बुझेका छैनन् ।

तत्कालीन अवस्थामा आफ्नै पार्टीबाट धोखा खाएर वाध्यतावश तत्कालीन एमालेसँग २ बुँदे सहमति गरेर चुनावी तालमेल गरेका हौँ । अब आफ्नै दल गठन गरेर नयाँ मूल्य मान्यताका साथ चुनाव लड्छौँ । ’ मन्त्री त्रिपाठीले भन्नुभयो ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस