पाल्पा ।
पाल्पामा आइतबार साँझ बस दुर्घटनामा परेको छ।
लुम्बिनी प्रदेश ट्राफिक प्रहरी कार्यालय बुटवलका अनुसार गुल्मीबाट बुटवलतर्फ आउँदै गरेको लु १ ख ५९५२ नम्बरको बस पाल्पाको लघुवामा सडकबाट तल खसेको हो।
घटनास्थलमा रहेका रिब्दिकोट गाउँपालिका(२ का वडाध्यक्ष ओमप्रसाद पोखरेलका अनुसार अहिलेसम्म ६ जनाको शव फेला परेको छ।
‘१७ जना घाइतेलाई उद्धार गरी तानसेन पठाएका छौं। गाडीभित्र अरू कति यात्रु छन् भन्ने हेर्दैछौं,’ उनले भने।
बस सडकबाट डेढ सय मिटर तल खसेको र अहिले उद्धारको काम भइरहेको उनले जानकारी दिए।मृतक र घाइतेको संख्या अझै बढ्न सक्ने उनको भनाइ छ।दुर्घटना कसरी भयो भन्ने कारण खुलेको छैन।
प्रतिक्रिया