प्रतिनिधिसभामा आजदेखि बजेट छलफल सुरु हुँदै

काठमाडौं ।
प्रतिनिधिसभामा आजदेखि आगामी वर्षको बजेटमाथिको छलफल सुरु हुने भएको छ।

संसद सचिवालयले आज सार्वजनिक गरेको सम्भावित कार्यसूची अनुसार भोलि बिहान ११ बजे सुरु हुने बैठकमा अर्थमन्त्री विष्णु पौडेलले आगामी वर्षको राजश्व र व्ययको वार्षिक अनुमानमाथि सामान्य छलफलका लागि प्रस्ताव प्रस्तुत गर्ने छन्।

आजको बैठकमा संघीय निजामती सेवा विधेयकसम्बन्धी संसदीय समितिको प्रतिवेदन पेस गर्ने सम्भावित कार्यसूची रहेको छ।

सवा १ बजे सुरु हुने राष्ट्रियसभाको बैठकमा भने बजेटमाथिको छलफल गर्ने कार्यसूची राखिएको छैन।

यता प्रतिपक्षी दलहरु भने संसद अवरुद्ध पार्ने रणनीतिमा छन्।