किन आए प्रदेश प्रमुख झा एक्कासी कपिलवस्तु ?

मायादेवी अनलाइन, कपिलवस्तु ।
प्रदेश नम्बर ५ का प्रमुख उमाकान्त झा कपिलवस्तुको एक उद्योगमा स्थलगत अनुगमन गर्दै रात्री भोजमा सरिक हुनुभएको छ । प्रदेश प्रमुख झा वाणगंगा नगरपालिका भक्तौलीमा अवस्थित माछापुच्छ्र्र्रे एग्रो इण्ड्रिटिज प्रालिमा व्यक्तिगत भेटघाटमा आउनुभएको जनाइएको छ ।
विगत दुई बर्ष देखि सञ्चालित माछाको दाना उद्योगमा झा आउनुभएको उ्रद्योगका सञ्चालक सुशील नेपालले जानकारी दिनुभयो । प्रदेश प्रमुख झा नितान्त व्यक्तिगत भेटघाटको लागि विहिबार साझँ उद्योगमा आउनुभएको नेपालले बताउनुभयो । यहाँ आए पछि झाले उद्योगको अनुगमन गर्दै चासो व्यक्त गर्नुभएको थियो भने रात्री भोजमा पनि सरिक हुनुभएको उहाले बताउनुभयो ।
तत्कालिन मन्त्री परिषदका अध्यक्ष खिलराज रेग्मीका स्वकिय सचिवको भुमिकामा रहेर काम गर्नुभएका उद्योगका सञ्चालक मध्येका एक सुशील नेपाल संगको भेटघाट र उद्योगको बारेमा चासो राख्न झा कपिलवस्तु आएर राती नै प्रदेश कार्यालय बुटबल फर्कनुभएको बताइएको छ । प्रदेश प्रमुख झा विहिबार कपिलवस्तु आएपनि शुक्रबार मात्र जानकारी प्राप्त भएको थियो ।