मायादेवी अनलाइन, बुटवल ।
भर्खर सकिएको आर्थिक वर्षमा प्रदेश सरकार ७४ दशमलव ६१ प्रतिशत बजेट खर्च गर्न सफल भएको छ । संगठन संरचना र कानून लगायत धेरै समस्या झेल्दै गत बर्ष काम गरेको प्रदेश सरकारले चालु आबमा बजेट खर्च नतिजा आउने गरी लक्ष्य अनुसार बजेट खर्च गर्ने कार्ययोजना बनाएर अघि बढेको छ ।
बजेट खर्चबाट प्राप्त नतिजाको फेहरिस्त मगंलबार पत्रकार सम्मेलन गरी सार्वजनिक गरिएको छ । मुख्यमन्त्री शंकर पोखरेलले मंगलबार आयोजित पत्रकार सम्मेलनमा आबको अन्त्यमा बजेट खर्च गर्ने प्रवृतिलाई रोक्ने कार्ययोजना बनाइएको र त्यही अनुसार अघि बढ्ने बताउनुभयो ।
सडक लगायत पूर्वाधार निर्माणलाई गुणस्तरयुक्त बनाउन जेठ मसान्तलाई ठेक्काको समयसीमा तोकिएको बताउँदै विकासका कामलाई दीगो र परिणामुखी बनाउन प्रदेश सरकार गंभीर रहेको बताउनुभयो ।
प्रतिक्रिया