बाँकेमा एक किशोरी झुण्डिएको अवस्थामा मृत फेला


बाँके ।
बाँकेको नेपालगन्जमा प्रहरी हवल्दारको घरमा काम गर्ने किशोरी घर नजिकैको रूखमा झुण्डिएको अवस्थामा मृत फेला परेकी छन् । नेपालगञ्जको वसुदेवपुरस्थित प्रहरी हवल्दारको घरमा विगत ५ वर्गदेखि काम गर्दै आएकी १३ वर्षीया किशोरीले बिहीबार राति घर परिसरकै एक रूखमा झुण्डिएको अवस्थामा फेला परेकी हुन् ।

प्रहरी हवल्दारद्वय रुस्कल शाही र शान्ता मल्ल श्रीमान–श्रीमतीको घरमा काम गर्दै आएकी बाजुराकी किशोरी घर अगाडिको बगेनाको रूखमा रातो सलले पासो लगाएर झुण्डिएको अवस्थामा बालिका भेटिएकी हुन् ।

बालिकाको शवलाई अहिले पोस्टमार्टमका लागि नेपालगञ्जस्थित भेरी अस्पतालमा राखिएको बाँके प्रहरी प्रवक्ता डीएसपी शिवबहादुर सिंह बताए । प्रवक्ता सिंहले रूखमा झुण्डिएको अवस्थामा बालिकाको शव फेला परेको बताउँदै कसैले मारेर झुण्ड्याएको हो वा आफैँ आत्महत्या गरेको हो पोष्टमार्टम रिपोर्ट आएपछि थाहा हुने जानकारी दिए ।
उनका अनुसार किशोरीको घरपरिवारका सदस्यलाई बोलाइएको छ । उनीहरू बाजुराबाट हिँडिसकेको खबर आएको उनले बताए ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस