एजेन्सी ।
युरोपा लिग फुटबल अन्तर्गत समूह चरणको खेलमा लगातार जितको क्रम लेस्टर सिटीले जारी राखेको छ ।
समूह जी अन्तर्गत शुक्रबार राति भएको खेलमा लेस्टर सिटीले एइके एथेन्सलाई २-१ ले पराजित गरेको हो । अवे मैदानमा भएको खेलमा लेस्टर सिटीले पहिलो हाफमा दुई गोल गरेर दोस्रो हाफमा एक गोल खाएको हो ।
उसका लागि १८ औँ मिनेटमा पाएको पेनाल्टीमा जेमी भर्डीले गोल गरे । यस्तै ३९ औँ मिनेटमा हम्जा चौधरीले गोल गरेका हुन् । एथेन्सका लागि ४८ औँ मिनेटमा तानकोविकले गोल गरे ।
सोही समूह अन्तर्गत भएको अर्को खेलमा जोर्या लुहान्स्कलाई स्पोर्टिङ्ग ब्रागले २-१ ले पराजित गरेको छ ।
प्रतिक्रिया