दाङमा चट्याङ लागेर दुई जनाको ज्यान गयो

दाङ ।
दाङको दङ्गीशरण गाउँपालिकामा चट्याङ लागेर शनिबार दुईजनाको ज्यान गएको छ।

चट्याङ लागेर दङ्गीशरण गाउँपालिका-६ बागरका ३२ वर्षीय समिर केसी र दङ्गीशरण गाउँपालिका-३ चखौराका ३७ वर्षीय रामनारायण चौधरी (वीरेन्द्र) को ज्यान गएको हो ।

दुवै जनाको राप्ती प्रादेशिक अस्पताल तुलसीपुरमा उपचारका क्रममा ज्यान गएको इलाका प्रहरी कार्यालय तुलसीपुरले जानकारी दिएको छ।

उनीहरुको शव राप्ती प्रादेशिक अस्पताल तुलसीपुरको शव गृहमा राखिएको प्रहरीले जनाएको छ।