१८ मंसिर २०७९, आइतबार | Sun Dec 4 2022

दाङमा बाढी र डुबानले एघार करोडको क्षति



तुलसीपुर (दाङ), १५ भदौ ।
बाढी र डुबानका कारण कृषि तथा पशु चौपायातर्फ रु १० करोड ७५ लाखभन्दा बढीको क्षति भएको छ ।

जिल्ला विपद् व्यवस्थापन समितिले दिएको जानकारीअनुसार एक हजार ११५.७४ हेक्टर क्षेत्रफलको धान मकै बगाउँदा रु आठ करोड २६ लाख ६२ हजार बराबरको क्षति भएको छ ।

यस्तै, बाढीले १०२.४ मेट्रिक टन सञ्चित खाद्यान्न बगाउँदा रु ५१ लाख ५२ हजार, १० मेट्रिक टन सञ्चित बीउ बगाउँदा रु नौ लाख ८८ हजार र एउटा च्याउ फार्म बगाउँदा रु २० लाख बराबरको क्षति भएको आपत्कालीक कार्य सञ्चालन केन्द्रका सूचना अधिकारी खिलानाथ दाहालले जानकारी दिनुभयो ।

पशु चौपायाको गोठ बगाउँदा रु ३७ लाख २३ हजार र १३ वटा माछा पोखरी बगाउँदा रु ५० लाख ८० हजारको नोक्सानी भएको छ । जिल्लामा बाढीले २८ गाईगोरु, दुई भैँसी, ९४ भेडाबाख्रा, दुई सँुगुर, स्थानीय कुखुरा र हाँस गरी २१७ तथा ब्रोइलर तीन हजार १५० बगाएको छ । रासस

प्रकाशित मिति : १५ भाद्र २०७४ बिहिबार ००:००  १० : २९ बजे