बांकेमा स्कुटर दुर्घटना, दुईजनाको मृत्यु

बाँके ।

कोहलपुरमा स्कुटर दुर्घटना हुँदा दुईजनाको मृत्यु भएको छ। दुईजना घाइते भएका छन्।  बर्दियाकी उषा चौधरी र बाँकेका लोकबहादुर शाहीको मृत्यु भएको हो। शुक्रबार बेलुकी कोहलपुर नगरपालिका(५ मा भे ७ प १४ ४० र भे ८ प २१६५ नम्बरका स्कुटर ठोक्किएपछि बा १५ च २०९६ नम्बरको गाडीले दुवै स्कुटरलाई ठक्कर दिएको थियो।  ठक्करका कारण दुवै स्कुटरका चालकको घटनास्थलमै मृत्यु भएको जिल्ला प्रहरी कार्यालय बाँकेले जनाएको छ। घाइते हुनेमा स्कुटरको पछाडि सवार अन्‍य दुईजना छन्।