आइपिएलमा आज बैङ्लोर सामु राजस्थानलाई दबाब

मायादेवी अनलाइन,कपिलवस्तु ।
इण्डियन प्रिमियर लिगमा आज पनि महत्वपूर्ण एक खेल हुँदै छ । राति सबा ८ बजे हुने खेलमा अंक तालिकाको पुछारमा रहेको रोयल च्यालेन्जर्स बैङ्लोर र राजस्थान रोयल्सबीच प्रतिस्पर्धा हुने छ । बैङलोर प्लेअफ पुग्नबाट बंचित भएको छ भने राजस्थानको झिनो आशा बाँकी छ ।

आजको खेलमा पराजित भए बैङ्लोरलाई धक्का लाग्ने छैन भने राजस्थान पराजित भएमा उसको पनि प्ले अफ सपना चकनाचुर हुने छ । त्यसैले आज राजस्थानलाई गर या मरको अवस्थामा खेल्नु पर्ने छ । यसअघि हिजो भएको खेलमा खेलमा सनराइजर्स हैदराबाद विजयी हुँदै प्ले अफ सपना जिवित राखेको छ घरेलु मैदानमा भएको खेलमा हैदराबादले किंग्स पञ्जाबलाई ४५ रनले पराजित गरेको हो ।

यो जितमा वार्नरको विशेष भूमिका रह्यो । उनले अर्धशतकीय पारी खेले । यो सिजनको आइपिएलमा वार्नरको यो अन्तिम खेल बन्यो । उनले जाँदाजाँदै टिमलाई जितको उपहार दिएका छन् । वार्नर विश्वकपको तयारीका लागि अस्ट्रेलिया जानु पर्ने भएको हुँदा जारी आइपिएलमा अब उनी खेल्न सक्ने छैनन् । अब प्ले अफमा स्थानमा पुग्न हैदराबादलाई वार्नरको अभाव हुने छ । किनकि जारी आइपिएलमा सबैभन्दा बढी रन बटुल्ने खेलाडीको रुपमा वार्नर रहेका छन् ।