नारायण खनाल ।
प्रिय कोरोना
मेरो देशमा घुम्न
न आउनु है
तिम्रो संस्कार ठिक
छैन भन्छन् सबैले ।
सुन्छु मान्छेको
प्राणपखेरु लिन
हतारिन्छयौ रे
फगतको रहर
कंसरुपी बनेर ।
तिमी नहुँदा
देश लुछेर हाँस्ने
पनि छन् यहाँ
घुसको पोको सँगै
आर्यघाट् जाने पनि ।
न्याय कुल्चने
समृद्धि छिल्ने पनि
तर कोरोना
हामी त नेपाली हौँ
आफन्त चुँड्न दिन्नौँ ।
चिरिन्छ मुटु
तर भातृत्व बोक्छ
अठोट् आमाको
आफै टुक्रिन्छु बरु
सन्तान मर्न दिन्न ।।
प्रतिक्रिया