अङ्गरक्षकलाई कोरोना देखिएपछि विष्णु पौडेल आइसोलेशनमा

काठमाण्डौ ।
सत्तारुढ नेपाल कम्युनिस्ट पार्टी (नेकपा) का महासचिव विष्णु पौडेलका अङ्गरक्षकलाई कोरोना भाइरसको सङ्क्रमण पुष्टि भएको छ । अङ्गरक्षकलाई कोरोना सङ्क्रमण पुष्टि भएसँगै महासचिव पौडेल होम आइसोलेशनमा बस्नुभएको छ ।

एकैदिन गरिएको परीक्षणमा महासचिव पौडेलसहित व्यक्तिको कोरोना रिपोर्ट नेगेटिभ आए पनि उहाँका अङ्गरक्षकको भने पोजेटिभ आएको महासचिव पौडेलको निजी सचिवालयले जनाएको छ । कोरोना सङ्क्रमण पुष्टि भएसँगै महासचिव पौडेलका अङ्गरक्षकलाई प्रहरी अस्पतालमा भर्ना गरिएको छ ।

महासचिव पौडेलले शनिबार मात्रै नेकपा अध्यक्ष पुष्पकमल दाहाल प्रचण्डसँग भेटघाट गर्नुभएको थियो । यसअघि अध्यक्ष प्रचण्डका केही सुरक्षाकर्मीमा पनि कोरोना सङ्क्रमण पुष्टि भएको थियो ।