साताका अक्षरः एलिसा घिमिरेका दुई गजल

गजल १
पागल थिइन यार पागल बनायौ किन ?
यही पागलसंग केही दिन रमायौ किन ?

तिमी पागल वा म पागल छुट्ट्याउन सकिन
यति सजिलै मेरो तस्विर जालायौ किन ?

दिवा सपनाहरू हजार देखाएर यार
अरे सपनाको महलबाट पछार्यौ किन ?

जीन्दगीबाट वाक्क भइ मृत्यु रोज्दा मैले
झिनो आस देखाएर मलाई बचायौ किन ?

गजल २

झिलिमिली बत्ती बलि नै रह्यो त्यो मेरो गाउँमा
के गर्दै होलिन ती बुढी आमा शिर झुकाएँ पाउँमा

म चाडै फर्की आउँछु आमा गाउँको मुहार फेर्न
भगवान् सम्झी पुष्प चडाउँदैछु आमाको नाउँमा

परदेशी जीवन बसनु पर्छ साहु कै अधिनमा
मलम पट्टी लगाउदै यहाँ त्यो आलो घाउमा

आपत पर्दा न साहारा मिल्छ यो पापी देशमा
पोका पुन्टा कस्दौछु आमा घर आउने दाउमा

दस धारा दूध खुवाएर आमा हुर्कायौ बढायौ
मातृ स्नेह दाजिनु हुन्न सुनको त्यो भाउमा

एलिसा घिमिरे
कपिलवस्तु