पिपराका प्रहरी निरीक्षक गुरुङलाई ‘उत्कृष्ट अनुसन्धानकर्ता’ को पुरस्कार


चन्द्रकान्त न्यौपाने, चार नम्बर ।
इलाका प्रहरी कार्यालय बाणगंगा २ पिपरा कपिलवस्तुका प्रहरीको निरीक्षक (इन्स्पेक्टर) दिनेश गुरुङ पुरस्कृत हुनु भएको छ ।

६५ औं प्रहरी दिवसको अवसरमा लुम्बिनी प्रदेश प्रहरी कार्यालयले गुरुङको काम प्रतिको लगनशिलताको उच्च मुल्यांकन गर्दै गुरुङलाई शुक्रबार ‘उत्कृष्ट अनुसन्धानकर्ता’ को रुपमा पुरस्कृत गरेको हो ।

राजनीति विज्ञानमा स्नातकोत्तर तह उत्तिर्ण गर्नु भएका गुरुङ ४ बर्षअघि प्रहरी सेवामा प्रवेश गर्नु भएको थियो । उहाँ पिपरा आउनु भएको अझै १ महिना भएको छैन । यो बीचमा पनि उहाँले केही सुधारका काम गरिसक्नु भएको छ ।

पुरस्कृत भएपछि गुरुङले मायादेवीसंग संक्षिप्त भनाई राख्नु भएको छ । उहाँले भन्नुभयो, ‘पुरस्कारको लागि काम गर्दिनँ । प्रदेश प्रहरीले मलाई योग्य ठानेर यो पुरस्कार दिएको छ । यसको कद घट्न दिने छैन । यस पुरस्कारले थप जिम्मेवार बनाएको छ ।’

पिपरा आएदेखि नै आफ्नो ध्यान जनताको शान्ति सुरक्षा र अपराध नियन्त्रणमा रहेको बताउनु भएका गुरुङले नाजायज काममा कसैसंग मिलीमतो नगरी काम गर्ने मायादेवीसंग पुनः दाहोर्याउनु भयो । रुकुम पूर्वमा इन्चार्ज हुँदा कारोबारीविरुद्ध एक्कासी फायरिङ गरेपछि गुरुङ उतिबेला प्रहरी वृत्तमा चर्चामा आउनु भएको थियो ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस