बाणगंगामा थप ७ जनामा कोरोना, एक जना सामुदायिक वनका अध्यक्ष परे


मायादेवी अनलाइन, चार नम्बर ।

कपिलवस्तुको बाणगंगा नगरपालिकामा कोरोना संक्रमित हुनेको संख्या बढेको बढ्यै छ । पछिल्लो समय दिनदिदिनै संक्रमित थपिने क्रममा बुधबार पुनः ७ जना कोरोना संक्रमित थपिएका छन् । नगरका स्वास्थ्य शाखा प्रमुख ठगराज पौडेलका अनुसार लक्षण देखिएर नीजि स्तरबाट जाँच गराएका ६ वडाका ७ व्यक्तिमा कोरोना देखिएको हो ।

यसरी कारोना देखिनेमा वडा नम्बर २ का ३१ बर्षीय पुरुष, वडा नम्बर ३ का ३८ बर्षीय पुरुष, वडा नम्बर ७ का २९ र ५० बर्षीय पुरुष, वडा नम्बर ८ का ३५ बर्षीया महिला, वडा नम्बर ११ का ६६ बर्षीय पुरुषमा कारोना देखिएको हो ।

अर्का २७ बर्षीय ब्यक्तिको वडा खुलेको छैन । उनीहरुमध्ये एक जना सामुदायिक वनका अध्यक्ष रहेका छन् । संक्रमितहरु सबै होम आइसोलेसनमा बसेका पनि पौडेलले बताउनु भयो ।

आज थप भएकासंगै नगरमा जम्मा कोरोना संक्रमितको संख्या २ सय ३० पुगेको छ भने सक्रिय संक्रमितको संख्या ६८ पुगेको छ ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस