एजेन्सी ।
इङ्लिस प्रिमियर लिग फुटबलमा लिभपुरपुलले म्यानचेस्टर युनाइटेडलाई हराएको छ । गएराति भएको खेलमा म्यानचेस्टर युनाइटेड लिभरपुलसँग ४–२ गोल अन्तरले पराजित भएको हो ।
कडा सुरक्षाकाबीच खेल भएको थियो । यस अघि म्यानचेस्टर युनाइटेडका समर्थकले लिभरपुलविरुद्ध मैदानभित्र नै पसेर क्लबका मालिक ग्लेजर परिवारविरुद्ध नाराबाजी गरेपछि खेल स्थगित भएको थियो ।
जितपछि पाँचौ स्थानमा रहेको लिभरपुलको ६० अंक छ । दोस्रो स्थानमा रहेको म्यानचेस्टर युनाइटेडको ३६ खेलबाट ७० अंक छ । शीर्ष स्थानको म्यानचेस्टर सिटीको ८० अंक छ ।
प्रिमियर लिगको उपाधि सिटीले सुनिश्चित गरिसकेको छ । यस्तै गएराति भएकै अर्को खेलमा एस्टोन भिल्ला र इभर्टनले गोलरहित बराबरी खेलेका छन् ।
प्रतिक्रिया