कपिलवस्तुमा पम्पसेटको पट्टामा कपाल बेरिएर १७ वर्षीय किशोरीको ज्यान गयो


मायादेवी अनलाइन, चारनम्बर ।
कपिलवस्तुको विजयनगर गाउँपालिकामा पम्पसेटको पट्टामा कपाल अल्झी पंखीमा बेरिएर १७ बर्षीया किशोरीको मृत्यु भएको छ ।

आइतवार करिब साँझ ४ बजेतिर खेतमा बिउ राख्न हिलो बनाउने क्रममा बोरिङबाट पानी चलाउँदा वापसी पाइपबाट खसेको पानीले नुहाउँदा उक्त घटना भएको जनाइएको छ ।

घाइते किशोरीलाई उपचारका लागि अस्पताल लैजाने क्रममा बाटोमै मृत्यु भएको प्रहरीले जनाएको छ । गाउँपालिकाको वडा नं. ७ बडसुडवा बस्ने कन्हैया प्रसाद नाउँको छोरी सरिता नाउँको मृत्यु भएको इलाका प्रहरी कार्यालय गणेशपुरका प्रहरी निरिक्षक रण बहादुर विष्टले जानकारी दिनुभएको छ ।

शव पोष्टमार्टमका लागि शिजराज अस्पताल बहादुरगञ्ज पठाइएको प्रहरी निरिक्षक विष्टले बताउनुभएको छ ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस