नेकपा (एस) कपिलवस्तुले गठन गर्‍यो राम पौडेल संयोजक रहेको जेष्ठ कम्युनिष्ट मञ्च


मायादेवी अनलाइन, वाणगंगा ।
नेपाल कम्युनिष्ट पार्टी (एकीकृत समाजवादी) कपिलवस्तुले जेष्ठ कम्युनिष्ट मञ्च गठन गरेको छ । कपिलवस्तुको वाणगंगा नगरपालिका वडा नं. ४ निवासी राम पौडेल संयोजक रहेको जेष्ठ कम्युनिष्ट मञ्च पार्टीले गठन गरेको हो ।

पौडेल लामो समय कम्युनिष्ट विचारमा रही काम गर्दै आउनुभएका पूर्व सरकारी कर्मचारी हुनुहुन्छ । यस्तै मञ्चको सदस्यमा पुराना कम्युनिष्ट नेताहरु डिल्लीराज अर्याल, खिमानन्द शर्मा, झलककुमारी पन्त र गोविन्द बहादुर केसी रहनुभएको छ । उहाँहरु सबै वाणगंगाका हुनुहुन्छ ।
पार्टीले जिल्लाभर रहनुभएका पुराना कम्युनिष्ट नेताहरुलाई जेष्ठ कम्युनिष्ट मञ्चमा राख्ने भएको छ ।

पुराना नेताहरुको सल्लाह, सुझाव र विचारको आवश्यकता पर्ने भएकाले जिल्लामा पार्टीको जेष्ठ कम्युनिष्ट मञ्च निर्माण गर्ने नेकपा (एस) कपिलवस्तुले जनाएको छ ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस