२१ फाल्गुन २०८०, सोमबार | Mon Mar 4 2024

कपिलवस्तु नगरपालिकाले थाल्यो छाडा गाईगोरुको व्यवस्थापन



मायादेवी अनलाइन, बाणगंगा ।
कपिलवस्तु नगरपालिकाले छाडा गाईगोरुको व्यवस्थापन थालेको छ । छाडा गाईगोरुको कारण अस्तव्यस्त सडक र अन्नपात खाएर किसानले हैरान खेपिरहेका बेला कपिलवस्तु नगरपालिकाले यसको व्यवस्थापन थालेको हो ।

नगर प्रमुख सुदीप पौडेलको सक्रियतामा नगरपालिकाको वडा नं. ३ स्थित चपरतल्लामा गाईगोरुको व्यवस्थापन थालिएको हो ।

तौलिहवा र आसपासका छाडा गाईगोरुको व्यवस्थापन थालिएको नगर प्रमुख पौडेलले बताए ।

वरपर तारजाली लगाएर कान्जि हाउस निमार्ण गरी हालका लागि उक्त काम गरिएको उनले बताए । पछि व्यवस्थित रुपमा गाईगोरुको व्यवस्थापन गरिने र हालका लागि यहीँ व्यवस्थापन गरिएको उनले बताए ।

छाडा गाईगोरुको हैरानी खेपेपछि विद्यार्थीहरुले तौलिहवामा प्रदर्शन गरेका थिए ।

नगर प्रमुख पौडेलले ठाउँको अभावका कारण गाईगोरुको व्यवस्थापन गर्न नसकिएको बताए । जंगलको जग्गा कानुनले प्रयोग गर्न नदिने र अन्यत्र जग्गाको अभावमा सोचे अनुसार काम गर्न नसकिएको उनले जनाए ।

यो पनि पढ्नुहोस् 

छाडा पशुचौपाया नियन्त्रणको माग गर्दै तौलिहवाका विद्यार्थी आन्दोलित

प्रकाशित मिति : १३ पुस २०७९ बुधबार ००:००  ६ : ५२ बजे