रुपन्देही ।
आइतबार बिहान पाल्पाको जोरधारामा भएको बस दुर्घटनामा मृतक महिलाको सनाखत भएको छ ।
दुर्घटनामा मृत्यु हुनेमा रुपन्देहीको देवदह नगरपालिका–३ सुर्यपुराकी अन्दाजी ३५ वर्षीय राधिका पौडल रहेको जिल्ला प्रहरी कार्यालय पाल्पाका सुचना अधिकारी वीरेन्द्र थापाले जानकारी दिए ।
बुटवलबाट बाग्लुङ जाँदै गरेको लु १ ख ५९५६ नम्बरको बस पाल्पाको तिनाउ गाउँपालिका–५ जोरधारामा सडकबाट करिब सय मिटर तल खसेर दुर्घटना भएको थियो ।
दुर्घटनामा ३८ जना घाइते भएका छन् । बसमा ३९ जना रहेको प्रहरीको भनाइ छ । घाइते सबैको पाल्पा प्रभासस्थित लुम्बिनी मेडिकल कलेजमा उपचार भइरहेको र ६ जनाको अवस्था गम्भीर रहेको प्रहरीले जनाएको छ ।
![](https://i0.wp.com/www.mayadevionline.com/wp-content/uploads/2023/04/339599396_1643672516107249_9107466912028057037_n.jpg?resize=576%2C768&ssl=1)
![](https://i0.wp.com/www.mayadevionline.com/wp-content/uploads/2023/04/340208543_935993824287952_8693846205024740418_n.jpg?resize=576%2C768&ssl=1)
प्रतिक्रिया