१३ जेष्ठ २०८१, आइतबार | Sun May 26 2024

लुम्बिनीका कर्मचारीले ३ दिनको तलब भूकम्प पीडितलाई दिने



दाङ ।
लुम्बिनी प्रदेशमा कार्यरत कर्मचारीले जाजरकोट, रुकुम पश्चिमलगायत क्षेत्रका भूकम्प पीडितलाई राहत दिने भएका छन् ।

प्रदेशमा कार्यरत सबै कर्मचारीले एक दिनदेखि तीन दिनसम्मको तलब भूकम्प पीडितलाई दिने निर्णय भएको मुख्यमन्त्री तथा मन्त्रिपरिषद् कार्यालयका उपसचिव यमकान्त पाण्डेले जानकारी दिनुभयो ।

बुधवार बसेको सचिवस्तरीय निर्णयअनुसार ११ औँ तह वा त्योभन्दा माथिका कर्मचारीले तीन दिनको तलब, अधिकृत छैटौँदेखि १० औँ तह वा त्यो सरहसम्मका कर्मचारीले दुई दिनको तथा सहायक स्तर र तहविहीन कर्मचारीले एक दिनको तलब भूकम्प पीडितलाई दिने भएका हुन् ।

कर्मचारीले दिने रकम कर्णाली प्रदेश सरकारको विपद‍् व्यवस्थापन कोषमा उपलब्ध गराउने निर्णय भएको प्रमुख सचिव राधिका अर्यालले जानकारी दिनुभयो ।

प्रकाशित मिति : २३ कार्तिक २०८० बिहिबार ००:००  ८ : १९ बजे