१० श्रावण २०८१, बिहिबार | Thu Jul 25 2024

गुल्मीमा ४ दिनदेखि बेपत्ता व्यक्ति मृत भेटिए



गुल्मी ।
गुल्मीमा एक जना व्यक्ति मृत फेला परेका छन् ।

इस्मा गाउँपालिका-१ निवासी ६२ वर्षका ठगबहादुर राना मृत फेला परेको जिल्ला प्रहरी कार्यालय गुल्मीका प्रहरी नायब उपरीक्षक शंकर पोखरेलले जानकारी दिए ।

घरबाट जेठ ३२ गते खेतमा जान्छु भनेर हिंडेका राना मुसिकोट नगरपालिका-२ टारीडाँडास्थित खेतमा ४ दिनपछि मृत फेला परेको प्रहरीले जनाएको छ ।

घटनाबारे थप अनुसन्धानको लागि जिल्ला प्रहरी कार्यालय गुल्मीबाट प्रहरी निरीक्षक सूर्यभान चौधरीको कमान्ड प्रहरी टोली खटिएको छ ।

प्रकाशित मिति : ५ असार २०८१ मंगलबार ००:००  ७ : ४९ बजे