एजेन्सी ।
भारतको गुजरात राज्यको अहमदाबाद अन्तर्राष्ट्रिय विमानस्थल नजिकै भएको एअर इन्डियाको विमान दुर्घटनामा २ सय ४ जनाको ज्यान गएको पुष्टि भएको छ ।
विमान दुर्घटनामा अहिलेसम्म २ सय ४ वटा शव प्राप्त भएको अहमदाबादका प्रहरी आयुक्त जीएस मलिकलाई उद्धृत गर्दै बीबीसी हिन्दीले जनाएको छ ।
दुर्घटनामा परी घाइते भएका ४१ जनाको उपचार चलिरहेको पनि प्रहरीले जनाएको छ ।
भारतीय समय अनुसार दिउँसो १ बजेर ३८ मिनेटमा लन्डनका लागि उडेको एआई १७१ उडान नम्बरको बी ७८७ ड्रिमलाइनर विमान उडेको केही समयमै दुर्घटनामा परेको हो ।
दुर्घटनाग्रस्त विमानमा २ सय ३२ यात्रु, २ चालक र १० क्याबिन क्रु सदस्य रहेका एअर इन्डियाले सामाजिक सञ्जाल प्लेटफर्म ‘एक्स’ मा जानकारी दिएको छ ।
विमानमा रहेकामध्ये १ सय ६९ जना भारतका, ५३ जना बेलायतका, सात जना पोर्चुगलका र एक जना क्यानडाका रहेका खबरमा उल्लेख छ ।
प्रतिक्रिया