इंग्ल्याण्डको पनि प्रभावशाली जित, माल्टालाई ४–० ले हरायो

१७ भदौ ।
विश्वकप फुटबल २०१८ को छनौट अन्तर्गत शुक्रबार राति भएको खेलमा इंग्ल्याण्डले प्रभावशाली जित दर्ता गरेको छ । रुस विश्वकपका लागि युरोपियन क्षेत्रको छनौटमा समूह ‘एफ’ मा रहेको इंग्ल्याण्डले प्रभावशाली जित दर्ता गरेको हो ।
इंग्ल्याण्डले माल्टालाई ४–० ले हराएको हो । पहिलो हाफमा गोल हुन नसकेको खेलमा इंग्ल्याण्डले दोस्रो हाफमा चार गोल र्गयो । त्यसमा पनि अन्तिमको पाँच मिनेट तथा इन्जुरी समयमा तीन गोल भयो । इंग्ल्याण्डको जितमा ह्यारी केनले दुई तथा रायन बिर्ट्रेण्ड र ड्यानी वेलबेकले एक एक गोल गरे । ५३ औं मिनेटमा गोल गर्दै केनले इंग्ल्यण्डलाई सुरुवाति अग्रता दिलाए । ८५ औं मिनेटम बिर्ट्रेण्डले गोल गर्दै अग्रता दोब्बर पारे ।
इन्जुरी समयको पहिलो मिनेटमा वेलबेक गोल गरे भने इन्जुरी समयको दोस्रो मिनेटमा केनले व्यक्तिगत दोस्रो गोल गरेपछि इंग्ल्याण्ड ४–० ले विजयी भयो । सात खेलबाट १७ अंक जोडेको इंग्ल्याण्ड समूहको शीर्ष स्थाना छ ।
अर्को खेलमा स्लोभेनियालाई १–० ले हराएको स्लोभाकिया १५ अंकसहित दोस्रो स्थानमा छ । यस्तै राति नै भएको खेलमा लिथुवानियालाई ३–० ले हराएको स्कटल्याण्डको ११ अंक भएको छ ।