११ आश्विन २०७९, मंगलबार | Tue Sep 27 2022

आजबाट नयाँ नोट पाइने, २७ हजारसम्म साट्न पाइने



२१ भदौं, काठमाडौं ।
यसपाली दशैंको लागि भदौं २१ गतेबाट नयाँ नोट साट्ने व्यवस्था राष्ट्र बैंकले गरेको छ । सरकारी निकाय लगायतकाले आजदेखि र सर्वसाधारणले भने भदौं २८ गतेदेखि नोट साट्न सक्नेछन् ।
राष्ट्र बैंकमै गएर नोट साट्नेहरुले प्रतिव्यक्ति २७ हजार रुपैयाँसम्म साट्न सक्नेछन् ।
यसपटकबाट सरकारी बैंकबाट समेत नयाँ नोट साट्ने व्यवस्था मिलाइएको छ । तर, सरकारी बैंकमा नोट साट्न जाँदा प्रत्तिव्यक्ति २० हजार रुपैयाँ मात्र नयाँ नोट साट्न पाइने भएको हो । सरकारी बैंकहरूबाट भने भदौं २८ गतेबाट नोट सटहि हुनेछ ।
नेपाल बैंकको बैंकिङ अफिस, न्यूरोड, बालाजु, पाटन, किर्तिपुर र भक्तपुर शाखाबाट नोट साट्न पाइनेछ ।
त्यस्तै, राष्ट्रिय वाणिज्य बैंकको मुख्य कार्यालयसहित टेकु, नयाँ बानेश्वर, सानोठिमी, विशालबजार र नक्साल शाखाबाट पनि नोट साट्ने व्यवस्था गरिएको छ ।
यता, कृषि बिकास बैंकको मुख्य कार्यालय सहित कोटेश्वर, गौशला, रत्नपार्क र मंगलबजार शाखाबाट पनि नयाँ नोट साट्न पाइनेछ । राष्ट्र बैंकको क्षेत्रिय कार्यालय र मुद्रा सञ्चिती रहेका वाणिज्य बैंकबाट पनि नयाँ नोट वितरण हुनेछ ।
बैंकहरुले ५, १०, २०, ५० र १ सय दरका नोट सटही सुविधा दिने भएका हुन् । निजी क्षेत्रका बैंकहरुबाट पनि नयाँ नोट साट्न पाइने भएको छ । यसको लागि राष्ट्र बैंकले निजी बैंकहरुलाई साढे ३ करोड देखि ११ करोड रुपैयाँसम्मका नयाँ नोट दिने भएको हो ।

प्रकाशित मिति : २१ भाद्र २०७४ बुधबार ००:००  ७ : ३८ बजे