रक्षक नै भक्षक ! प्रहरी तालिम केन्द्रभित्र बलात्कार

कर्णाली प्रदेश, मायादेवी अनलाइन ।
कर्णाली प्रदेशमा प्रहरी तालिम केन्द्रमै एक महिलामाथि बलात्कार भएको छ । प्रहरी संगठनमा भर्ना हुन गएकी महिला प्रहरी प्रशिक्षार्थी तालिम केन्द्रभित्रै बलात्कृत भएकी हुन् । प्रहरी तालिम केन्द्र नेपालगन्जमा प्रहरी जवानको तालिम लिइरहेकी महिला प्रशिक्षार्थी सोही तालिम केन्द्रमा कार्यरत प्रहरी नायब निरीक्षक (सई) बमबहादुर रानाबाट तीन दिनअघि ब्यारेकभित्रै बलात्कृत भएको पीडित महिलाले बताएकी छन् । प्रहरी स्रोतका अनुसार विगत ३ महिनादेखि ती पीडित महिलाले जवान पदको तालिम लिँदै आएकी थिइन् । सई रानाले आफूलाई विभिन्न दबाब दिएर जबरजस्ती बलात्कार गरेको पीडित महिलाको भनाई छ । रक्षक नै भक्षक भएपछि सिंगो प्रहरी संगठनमाथि नै जनताको विश्वास गुमेको सर्वसाधारणको भनाई छ ।