गुलाम अली, तौलिहवा ।
कपिलवस्तुको सदरमुकाम तौलिहवामा पनि सरकार विरुद्ध प्रर्दशन भएको छ । पछिल्ला केहि दिन यता देशभर सरकार विरुद्ध प्रर्दशन भैरहेको बेला जिल्ला सदरमुकाम तौलिहवामा पनि शुक्रबार दिउँसो प्रर्दशन भएको हो ।
जिल्ला प्रशासन कार्यालय अघि जम्मा भएका युवाहरुको एक समूहले सरकार विरुद्ध प्रर्दशन गरे ।
सरकारले कोरोना भाईरस संक्रमणका नाममा अपारदर्शी खर्च गरी अनियमितता गरेकोले छानविनको माग गर्दै उनीहरुले प्रशासन कार्यालय अघि एक घण्टा धर्ना दिएका हुन् ।
प्ले कार्ड, व्यानर बोकेका उनीहरुले नाराबाजी समेत गरेका थिए ।
युवा नेता प्रकाश घिमिरेको नेतृत्वमा रहेको युवाहरुले प्रदर्शनको क्रममा सरकार औषधि उपचारमा नलागेर भष्टाचारमा लिप्त भएको आरोप पनि लगाएका थिए । यता शनिबार विहान ११ बजे वाणगंगाको चारनम्बर चोकमा पनि सरकार विरुद्ध प्रर्दशन हुने जनाइएको छ ।
प्रतिक्रिया