काठमाण्डौँ ।
समाजवादी पार्टीले सांसद सरिता गिरीलाई पार्टी र सांसद पदबाट बर्खास्त गर्ने निर्णय गरेपछि उनको स्थानमा लीला सिटौला सांसद बन्ने भएकी छन् ।
गिरी पार्टीको समानुपातिक सूचीको खस आर्य समूहबाट प्रतिनिधित्व गर्ने सांसद हुन् । उनी बर्खास्तगीमा परेलगत्तै अब सो समूहको दोस्रो नम्बरमा रहेका सिटौलालाई सांसद बन्ने बाटो खुलेको छ ।
समाजवादी पार्टीले खस आर्य समूहको महिलातर्फको एक नम्बरमा सरिता गिरी र दुई नम्बरमा सिटौलाको नाम निर्वाचन आयोगमा बुझाएको छ ।
सो समूहमा तत्कालीन संघीय समाजवादी फोरमले १७ जना महिला उम्मेदवारको नाम बुझाएको छ ।
प्रतिक्रिया