तिनाउ नदीमा खसेका एक पुरुषको उद्धार


रुपन्देही ।
रुपन्देहीको तिलोत्तमा नगरपालिका- ६, गोरकट्टास्थित निर्माणाधीन पुलबाट तिनाउ खोलामा खसेका एक पुरुषको प्रहरीले उद्धार गरेको छ । इलाका प्रहरी कार्यालय मंगलापुर र इलाका प्रहरी कार्यालय बुटवलको टोलीले शुक्रबार बिहान बेहोस अवस्थामा उद्धार गरेको हो ।

उनी बिहीबार राति साइकलमा हिँड्दै गर्दा खसेको हुन सक्ने प्रहरीले जनाएको छ । उनको पहिचान खुलेको छैन । उनको लुम्बिनी प्रादेशिक अस्पतालमा उपचार भइरहेको इलाका प्रहरी कार्यालय बुटवलका प्रमुख प्रहरी नायब उपरीक्षक प्रतीतसिंह राठौरले बताए । स्थानीयले खबर गरेपछि प्रहरी टोली गई उद्धार गरेको उनले जानकारी दिए ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस