कोरोना संक्रमणबाट वडा सदस्यको मृत्यु


चितवन ।
कोरोना संक्रमणबाट चितवनको खैरहनी नगरपालिका– १२ का वडा सदस्यको मृत्यु भएको छ। कोरोना संक्रमणबाट वडा सदस्य ४९ वर्षीय बद्रीवहादुर पाण्डेको भरतपुर अस्पतालमा उपचारका क्रममा गएराति मृत्यु भएको हो। वडा सदस्य पाण्डे क्यान्सर रोगबाटसमेत पीडित थिए।

अस्पतालका सूचना अधिकारी लिलाधर पौडेलका अनुसार उनमा असोज २८ गते संक्रमण पुष्टि भएको थियो। आइसोलेसनमा रहेका उनलाई असोज ३० गते अस्पताल भर्ना गरिएको थियो।

खोकी र श्वासप्रश्वासमा समस्या रहेको उनको क्यान्सरको तेस्रो केमो चलिरहेको अवस्थामा मृत्यु भएको हो।

पाण्डे नेपाली कांग्रेसबाट गएको स्थानीय तहको निर्वाचनमा विजयी भएका थिए।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस