टिकट पाउन एमाले आए, जितेको सांसद पद त्यागेर कांग्रेस फर्किए


काठमाडौं ।
नेपाली राजनीतिमा नयाँनयाँ घटनाको पटाक्षेप हुँदैछ । केही दिनअघि गण्डकी प्रदेशको राजनीति केन्द्रमा थियो । आइतबार त्यो स्थान लुम्बिनी प्रदेशले ओगट्यो ।

आइतबार लुम्बिनी प्रदेशमा जेजस्ता राजनीतिक घटनाक्रम भए त्यसले केन्द्रलाई समेत तरंगित तुल्याएको छ । संघीयता कार्यान्वयनको प्रारम्भिक चरणमा मुलुक रहेका बेला प्रदेशको अस्थिरताले यसको आयू नै तोकिदिन्छ कि भन्ने टिप्पणी पनि भयो ।

अझ रोचक त, लुम्बिनी प्रदेशका दृगनारायण पाण्डेले अनाहकमा सांसद पद गुमाए । बिहान पार्टी संसदीय दलको बैठकमा भाग लिएर नेतामा शंकर पोखरेललाई समर्थन गरेका कपिलवस्तु २ ९क०बाट निर्वाचित पाण्डे चार घण्टा पनि आफ्नो निर्णयमा अडिन सकेनन् ।

पोखरेलले मुख्यमन्त्रीको शपथ लिँदा नलिँदै उनले सांसद पदबाट राजीनामाको घोषणा गरे । बेलुका नै प्रदेश सचिवालयले उनले सांसद पद त्याग गरेको सूचना टाँस्यो ।

एमाले स्रोतका अनुसार उनी २०७४ को चुनावअघि कांग्रेसबाट एमाले प्रवेश गरेका थिए । एमालेको लहर देखेर तरंगित बनेका उनले कांग्रेस त्यागे । एमाले प्रवेश गर्नासाथ उनले प्रदेशसभाको टिकट पाएका थिए । प्रदेश सभाको महत्त्वपूर्ण समिति सामाजिक विकास समिति सभापति थिए ।

शंकर पोखरेलको राजनीति र मुख्यमन्त्रीमा दोहो¥याएर शपथ लिँदा पुनः तरंगित बनेका उनी अन्ततः सांसद पद गुमाउन पुगेका छन् । सोमबार रित्तै हात उनी पुनः कांग्रेस प्रवेश गरेको उनीनिकट नेताहरूले जानकारी दियो ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस