नेपालमा कोरोनाविरुद्धको पूर्ण मात्रा खोप लगाउनेको सङ्ख्या ८१ लाख नाघ्यो


काठमाण्डौ ।

नेपालमा कोरोना भाइरसविरुद्धको पूर्ण मात्रा खोप लगाउनेको सङ्ख्या ८१ लाख नाघेको छ । स्वास्थ्य तथा जनसङ्ख्या मन्त्रालयका अनुसार अहिलेसम्म ८१ लाख ५३ हजार सात सय ३४ जनाले पूर्ण मात्रा र ९३ लाख ६७ हजार सात सय ८९ जनाले कम्तीमा एक मात्रा खोप लगाएका छन् । पछिल्लो २४ घण्टामा मात्रै एक लाख ७७ हजार आठ सय जनाभन्दा धेरैले कोरोनाविरुद्धको खोप लगाएका मन्त्रालयले जनाएको छ ।

यसैबीच २४ घण्टामा थप तीन सय आठ जनामा कोरोना सङ्क्रमण पुष्टि भएको छ । आठ हजार नौ सय नौ जनाको नमुना परीक्षण गर्दा तीन सय आठ जनामा सङ्क्रमण देखिएको हो ।

यस्तै थप दुई सय ९८ जना निको भएसँगै सङ्क्रमणमुक्त हुनेको सङ्ख्या आठ लाख एक हजार चार सय दुई पुगेको छ । यही अवधिमा दुई जना सङ्क्रमितको ज्यान गएको छ । योसहित कोरोना सङ्क्रमणका कारण ज्यान गुमाउनेको सङ्ख्या ११ हजार पाँच सय १६ पुगेको छ ।

नेपालमा अहिले सात हजार तीन सय ४९ जना कोरोनाका सक्रिय सङ्क्रमित रहेका स्वास्थ्य मन्त्रालयले जनाएको छ ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस