काठमाण्डौ ।
संसद् भवन रहेको नयाँ बानेश्वरमा शङ्कास्पद वस्तु भेटिएपछि यो सडक खण्डमा गाडी चलाउन रोक लगाइएको छ ।
नयाँ बानेश्वरदेखि तीनकुनेसम्मको सडकलाई खाली गराइएको प्रहरीले जनाको छ । यो रुटमा चल्ने गाडीलाई नयाँ बानेश्वर र तीनकुनेबाट डाइभर्सन गरिएको छ । संसद् भवन अगाडि सडकको बीच भागमा ‘नो एमसीसी’ लेखिएको प्रेसर कुकर भेटिएको हो ।
प्रहरीकाअनुसार मोटरसाइकलमा आएका एक व्यक्तिले त्यहाँ शङ्कास्पद वस्तु राखेर हिँडेका जानकारीमा आएको छ । घटनाको अनुसन्धान भइरहेको छ । सेनाको बम डिस्पोजल टोली घटनास्थल पुगेको छ ।
प्रतिक्रिया