शुक्रवार विहान ११ बजेदेखि निषेधाज्ञा, साँझ ७ बजेदेखि शनिवार विहान ६ बजेसम्म कर्फ्यू

काठमाडौँ । 

नेपाली सेनाले काठमाडौँ, भक्तपुर र ललितपुरमा भोलि पनि दिनभर निषेधाज्ञा र रातिदेखि कर्फ्यू आदेश जारी गरेको छ। 

सेनाको मुख्यालय जंग्गीअड्डाले आज एक सूचना जारी गर्दै भोलि शुक्रवार बिहान ११ बजेबाट बेलुकी ५ बजेसम्म निषेधाज्ञा लम्ब्याएको छ। त्यस्तै, साँझ ७ बजेबाट शनिवार विहान ६ बजेसम्म कर्फ्यू आदेश जारी गरिएको छ।

भोलि बिहान ६ देखि ११ बजे र साँझ ५ देखि ७ बजेसम्मको समयमा भने अत्यावश्यक कार्यका लागि आवतजावत गर्न सकिने नेपाली सेनाले जनाएको छ।