काठमाडौं, असार ३०। खाद्य प्रविधि तथा गुण नियन्त्रण विभागले सक्कली चामलमा प्लास्टिकको चामल मिसाएर बिक्री गरेको भन्ने विषयमा अनुसन्धान थालेको छ ।
विभागले प्लास्टिक मिसिएको भनिएको चामलको ल्याब टेस्ट गरिरहेको छ । परीक्षणको रिपोर्ट शुक्रबार (अाज) दिउसाे सम्ममा आइसक्ने विभागका महानिर्देशक सञ्जीवकुमार कर्णले बताए ।
महानिर्देशक कर्णले खुला सिमानका कारण भारतबाट मिसावटयुक्त चामल आउने सम्भावना भने उच्च रहेको बताए ।
चामलमा मिसावट गरी बिक्री गरेको आरोपमा प्रहरीले सीतापाइलस्थित शेरचन ब्रदर्श प्राइभेट लिमिटेडका सन्चालक टंकप्रसाद शेरचनलाई पक्राउ गरेको छ ।
प्रहरी प्रधान कार्यलय नक्सालभित्र रहेको एक नम्बर प्रहरी गणमा पकाइएको चामलमा प्लास्टिक मिसिएको आशंका उत्पन्न भएपछि परीक्षण अघि बढाइएको हो ।
स्राेत : ईमेजखवर डटकम
प्रतिक्रिया